ما ودي أرحل وانت في حاجة القـرب
وشلون اجـازي بالجفـا مـن بغانـي
لو كان عمري كرب في كرب في كرب
أخفيت عن عينـك دمـوع الزمانـي
يا صاحبي مرة همومي كمـا السـرب
واستوطنـت بيـن الضلـوع المحانـي
هذي ثلاث سنيـن وظروفـي الجـرب
حكْتْ ندمهـا فـوق جلْـدْ الامانـي
مَ / صافحة فرحه وعيني على الـدرب
مستاحشه لـون الفـرح فـي ثوانـي
شرْقتْ معها والعـرب رايحـه غـرب
كنـي وحيـدٍ بالـطـرق والمبـانـي
أحارب احزاني وانا خاسـر الحـرب
لين الامـل وقـت المعـارك عصانـي
عصرت رمْاني وانـا مَقـدر الشـرب
وطبخـة زادي والتعـاسـه تـرانـي
فيني من الفوضـى وانـا جبلتـي ذرب
واليوم عمري فـوق حبـل السوانـي
تعال انـا يـا هيـه محتـاج للقـرب
الصمت موحش واكثـر العمـر فانـي
موضوع: حاجة القرب 
الجمعة ديسمبر 30, 2011 5:13 pm
