سمك مقلي مع الخضار

المقادير:

سمك حسب الرغبه
بهار سمك ( انا اخذته من محل صوب سوق السمك بهاره حل
و حق المقلي واذا مو متوفر تقدرون تستخدمون مجدي )
بهار سمك هندي بالعلب ماركه يقين
كزبر بودر
ملح
فلفل اسود
طحين
ثوم مهروس
فلفل اخضر واحمر واصفر واخضر مكعبات
بصل ابيض مكعبات
ملح

الطريقه:

غسلو السمكه ونظفوها عدل ونقعوها بملح خشن وليمون وردو غسلوها وبهرو
السمكه بنوعين البهار مع ثوم والملح والكزبر ووخلوها متبله فتره بعدين
عفروها بالطحين واقلوها بزيت حار.. انا كنت مسويه نويبي وزبيدي

اخذو شويه من زيت السمك وحمسو فيها خضار مع بصل ابيض نص نضج ( سوتيه )
ورشوهم بملح وفلفل اسود وخلوهم فوق السمك ورشو الويه باوراق كزبره خضرا..